Lacazáns de Pura Raza Galega

2010-04-18T23:45:00.001+02:00

Comentarios das páxinas web: Alberto Mato Vázquez

1. Frikisports
Penso que o deseño desta páxina web está bastante logrado e parece bastante acorde cos contidos que se amosan. En canto a estes, parece que a información, aínda que breve, resulta sinteticamente reveladora (¿para que escribir máis?). Está bastante organizada co menú da esquerda que permite acceder as distintas páxinas e, en canto á funcionalidade, o único aspecto negativo a destacar sería o non funcionamento do botón de inicio. Nota: 7,5.

2. Bang
Creo que o deseño desta páxina está moi logrado. Moi sinxelo e sen complicacións. Todo está organizado cun menú abaixo que permite ir a calquera parte da páxina e un botón máxico no título que permite ir sempre á páxina principal. O contido é breve, pero en páxinas deste tipo non se poden introducir unha gran cantidade de contidos, senón só o mínimo e indispensable. Por último, en canto a funcionalidade, o único erro que vexo e que no apartado de “equipo”, cando clicas nun personaxe, non podes clicar no personaxe de “Amanda”. Nota: 8.

3. Revolucine
O deseño da web encaixa ben co que pretenden amosar ao público. Tamén todo resulta organizado perfectamente, con un menú principal e un botón máxico no título. O aspecto máis negativo desta páxina é o scroll lateral que aparece nalgunha das súas páxinas. E, por último, non ofrece moitos contidos pero, nunha páxina deste tipo, máis contidos sobrarían. Nota: 7.

4. Maldia
O aspecto máis logrado desta web é o deseño acorde totalmente cos contidos da mesma. A organización tamén está bastante lograda, mesmo cun menú emerxente no apartado multimedia. Non obstante, creo que, a pesar de ser unha web acerca dun grupo de música, falta máis información acerca do mesmo. Por último dicir que funciona perfectamente e resulta moi sinxelo navegar pola mesma. Nota: 7.5.

5. As tres en punto
Páxina web chea de contidos cun deseño bastante acorde coa mesma. Cómpre dicir que está bastante organizada pero, creo que resulta un erro que se reivindiquen como grupo aportando despois tan pouco traballo en equipo. Por último, non sei se é cousa do ordenador no que estou traballando pero no apartado de olalla non dou conseguido visualizar os debuxos, os cadros e as manualidades. Nota: 7.

6. Neosteridad
Resulta agradable o deseño da páxina, acorde cos seus contidos pero non tanto a tipografía que non concorda sempre. Por outra parte, a páxina está ben organizada, sobre todo, no apartado de campañas. É doado navegar pola mesma pero bótanse en falta contidos para encher a páxina. Nota: 7.

7. As de corazóns
O deseño desta páxina di moito acerca da mesma. Ofrece uns contidos divertidos que non a fan pasar desapercibida. Merece a pena destacar o xogo feito en flash incriblemente divertido. Non obstante, en canto á funcionalidade, existen algúns enlaces rotos e resulta complicado volver á páxina de inicio. Nota: 6.5.

8. Madreselva
Páxina moi ben construída cun deseño moi acorde cos seus contidos (factor fundamental, na miña opinión). Os contidos tamén resultan moi interesantes, estruturándoos de maneira sintética e clara. Resulta moi sinxelo navegar pola mesma, e o único aspecto que me chocou foi o de utilizar dous menús iguais. Non me parece necesario. Nota: 9.

9. Chita fan club
Esta páxina ofrécenos uns contidos que resultan ao mesmo tempo interesantes e divertidos. O deseño da mesma é totalmente afín aos seus contidos. As cores amarela e verde concordan perfectamente. Resulta moi gracioso o feito de que as “C” escritas na páxina sexan bananas. O único que resulta molesto é o scroll lateral. Nota: 8.

10. Transportes M. Gesteira
Trátase dunha páxina moi profesional na que os contidos resultan un pouco escasos. Non obstante, a funcionalidade e organización da mesma resultan perfectos. O que non concorda moito coa web é o logo da empresa co que estaría máis acorde outro tipo de debuxo. Nota: 7.

11. Deporte no es sólo fútbol
Web cunha gran cantidade de contidos nun entorno pouco explorado. Quizais o deseño non estea de todo acorde en toda a páxina pero resulta bastante afín aos contidos. A funcionalidade é correcta así como a organización dos contidos. Nota: 8.5.

12. Mequetrefes
Boto en falla algo máis de información nesta páxina. Non obstante, paréceme realmente bo o estilo da mesma. A mestura das cores está ben e concorda coa páxina. Ademais, pódese navegar facilmente pola mesma e todo está ben organizado con distintas pestanas en cada un dos apartados do menú. Nota: 7.

13. Se te va la olla
Esta páxina esta orientada a un público moi concreto (quizais demasiado) e por iso podería faltarlle público na rede. Non obstante, creo que o deseño e as cores utilizadas concordan cos temas tratados e co público tratado. A organización é boa pero existen enlaces rotos. Nota: 6.

14. Mastercav´s
Páxina moi completa cunha gran variedade de contidos. Introdúcense vídeos e información de cada un dos alumnos de clase. O deseño tamén está moi ben xogando coas cores do tapete das cartas e cun menú orixinal. Ademais, resulta moi sinxelo navegar pola mesma e non existen erros en canto a funcionalidade. Nota: 9.
15. SMdB
Páxina tremendamente orixinal. Sen dúbida a que máis me gustou de todas. O deseño paréceme tremendamente complexo e tanto a voz como as cores da páxina concordan claramente cos contidos. Ademais, funciona á perfección e está organizado de maneira sinxela (por orden alfabético). Nota: 9.5.

"Si vas a decir eso cada vez que haga una estupidez, no tendré más remedio que dejar de hacer estupideces" (Homer Simpson)

2010-04-18T21:22:00.002+02:00

Sen máis tonterías, imos comezar coas críticas despiadadas sobre as webs realizadas polos nosos compañeiros e coa valoración sobre a que fixemos nos.

FRIKISPORTS. 7,5

O deseño non acaba de gustarme. Coa animación inicial parece que entraremos no inferno, pero atopámonos cun ambiente divertido e ameno. Penso que abonda a cor branca, que tampouco me satisfai.
Os contidos son variados, e ben estructurados; o modo ranking é un bo exemplo disto. Deixan entrever a existencia do elemento friki no mundo do deporte.
Esta páxina permite pasar momentos divertidos. Os tests que nos propoñen inclúen opcións disparatadas de resposta, e o foro permite a interacción do usuario.
Gústame as ofertas de merchandising e a presencia de Drenthe.

BANG. 8,5

Trátase dunha páxina ben deseñada, con cores oscuras, pero ben combinadas coa letra que propoñen. Todo isto, acorde coa idea de tipo de cine que nos están a contar.
Os contidos estrutúrase cun menú variado, coa funcionalidade de coñecer todos os aspectos que conlevan a creación dunha obra cinematográfica, desde a sinopse ata a ultima peza de producción.
A estrutura da páxina é sempre a mesma, unha elección acertada. A presencia do mesmo título e menú en todas as páxinas permite unha cómoda navegación pola páxina.

REVOLUCINE. 8

Paréceme un bo deseño, semellando unha película de vídeo. Non obstante, hai algún detalle que non me convence, como por exemplo a páxina principal, na que non hai animación nin aspectos que enlacen, aparte da propia imaxe. A animación de inicio, non me gusta ese fondo verde, pero iso é un detalle nimio.
Polo demais, paréceme unha páxina de gran calidade, cun menú realizado con bastante nivel, e uns xogos moi interesantes para o usuario. Tamén destacar a presencia de elementos propios, como fotos de rodaxe...

MALDÍA. 7,5

A funcionalidade da web está clara: baséase sobre un grupo de música. Por iso, cómpre destacar que os contidos versarán principalmente sobre este tema: novidades, música, contacto, compoñentes...
Con respecto ao deseño, destacar o mesmo detalle que o anterior caso: comeza cunha imaxe fixa, sen animación nin enlace mais aló da propia imaxe. Pero o resto da páxina solvéntase dunha forma sinxela, sen moita complicación, pero ben feita.
Os contidos son varios e cunha boa estructuración

AS TRES EN PUNTO. 8,5

A estructuración desta páxina é o aspecto que máis destaca nela. Os contidos atópanse ben organizados e non permiten que o usuario se perda, axudando a atopar todo o que buscamos. A funcionalidade é absoluta: permite coñecer as expectativas de tres artistas en progresión.
Esteticamente, é unha páxina atractiva. A elección de determinados decorados de páxina, ou as tipografías utilizadas poden chegar ao visitante. Ademais, apréciase nivel nos textos, debuxos e traballos que amosan.
Por último, destacar que a páxina está moi currada.

NEOTERISTAD. 8

Atopo o mesmo problema que outras páxinas: comezo con imaxe sen animación nin enlace de entrada. Aínda así, isto non empaña a boa labor deste grupo.
O primeiro que se pode observar é unha cita filosófica, para demostrar as súas ideas. Ao pasar a primeira páxina, pódese observar un plug-in de espera, cunha clara finalidade estética.
Queda ben o establecemento do menú lateral, para que sexa facil a navegación. Da mesma forma, gústame a combinación de imaxes, fondo e tipo de letra, asi como a variedade de contidos e recompilación de traballos de distinta fonte.
Agrádame o menú inferior que, como diría Celeiro, hai que ter en conta a "lei de protección de datos".

AS DE CORAZÓNS. 7

Centran a súa atención nos contidos, algo parecido ao noso problema. Un dos aspectos que mais me gustaron é que practicamente todo o que fixeron é de colleita propia, por exemplo en fotos e vídeos.
A funcionalidade desta páxina web é o aspecto humorístico, facerlle pasar un bo momento ao espectador da páxina. A estruturación dos contidos é moi acertada, pero o deseño non remata por convencerme, malia que se adecúa ao que buscan

MADRESELVA. 10

Que se pode dicir sobre isto?. Nada mais que indicar que nos movemos en campos diferentes.
Aqui estamos cun deseño próximo ao profesional, cunha estética claramente relacionda co tema proposto. A estructuración dos contidos é moi adecuada, e a funcionalidade evidente. Os contidos son variados e de calidade (iso sabémolo moi ben por cousas obvias)

CHITA FAN CLUB. 7

O deseño non me gusta. Parécenme unhas cores que non combinan coa imaxe de fondo.
Pero isto é unha situación acontecida en varias web, como por exemplo a nosa.
Os contidos, de interese, atópanse cunha estruturación óptima, podendo atopar diferentes tipos de contido en varios lugares diferentes.
A funcionalidade da páxina aporta unha idea, crear algo semellante ao Xabarín Club, pero nunha versión mellorada. Boa labor de documentación de contidos

M. GESTEIRA. 8,5

Só hai un aspecto na web que non me gusta de todo, o fondo branco. Non obstante, o resto está realizado con boas perspectivas.
O deseño pode parecer moi sinxelo, pero iso é do que se trata. Ofrece detalles de todo o que debe aportar, e a estrutura é a adecuada.
A funcionalidade é clara: crear unha páxina web sobre unha empresa. Para iso, apoiase dos contidos que nos mostra.

MEQUETREFES. 7,5

O deseño non me parece o mais acertado (bueno, hai páxinas peores, sen nomear ningunha de deportes). Non obstante, as seguintes páxinas animan a estrutura da páxina.
A tipografía é extraña, pero outorga maior dinamismo.
Pero falemos de aspectos positivos. A páxina está ben estructurada, e a funcionalidade está clara: o tratamento dunha páxina propia dun grupo de teatro.
A extravagancia desta páxina é o que me gusta dela.

SE TE VA LA OLLA. 7

Queda claro que se lle foi a olla con esta páxina. O deseño ten unhas cores un tanto fashion, e as letras posúen unha tipografía dinámica.
A páxina está ben estruturada. Menú superior, para poder atoparnos dentro da páxina.
Pero só hai un detalle que falla: os enlaces. Non vou valorar este aspecto na miña valoración, posto que está todo en mans de Marita (a ver que pasa).
Os contidos non se poden calificar polo erro dos enlaces, pero é de supoñer que son amplios e diversos.
A funcionalidade estaría marcada polo público ao que vai dirixida, a xente xove.

MASTERCAVS. 8

O deseño non me convence por completo no uso das cores e do fondo. Pero nótase que se trata dunha páxina ben traballada, tanto nos contidos como na estruturación dos mesmos.
A páxina principal, deixando a un lado o tema da estética, boto en falta un pequeno detalle: unha pequena descrición debaixo dos ases que nos presenta, para saber que aí nos temos que dirixir.
Pero os contidos nótase que foron escollidos nunha ardua tarefa de selección dos mesmos. A estruturación da páxina é óptima e adecuada. A funcionalidade da mesma serve para deixar ver o que vale un CAV.

SMDb. 9,5

Antes de valorar esta páxina quixera facer un comentario, e espero que ninguen se enfade. Penso que hai que estar trallado para facer unha páxina sobre Satán. Xa está.
No que respecta puramente á web,que é o importante, o deseño está moi ben elaborado, e os contidos están buscados e rebuscados.
O detalle da espalda coas letras e os números que, ao seren pulsados abren varios menús, son o resultado dun bo proceso de elaboración da web. Desta forma, estrutúranse os contidos.
Para rematar, so sinalar que a funcionalidade da páxina é atopar a relación do Cine con Satán e que penso que o conseguiron.

DEPORTE NO ES SOLO FUTBOL. 5

Para analizar a web que fixemos, vou tentar de ser o máis sincero posible. Se digo que é unha marabilla, estaría a mentir e se digo que é unha merda, estaría sendo moi duro.
Por que unha nota baixa? Principalmente, porque o nivel de esixencia que nos marcamos é elevado. E como é tan alto, penso que o podiamos facer notablemente mellor.
Segundo, penso que cometemos varios erros na elaboración da web, caso das cores, do fondo, da estética, da resolución...; fallos que, ao ler os comentarios que realizan os demais, penso que quedan en evidencia.

Pero tamén conseguimos aspectos bos, como a estruturación da páxina, os pasatempos, os enlaces (que nos tocaron moito as narices), os contidos...

E mais, ao observar as demais páxinas, caemos en aspectos que poderiamos mellorar, e ese é o principal defecto da nosa páxina: ver que os demais fixeron cousas que nos non fomos capaces de facer.

D. ANTONIO

COMENTARIOS SOBRE AS WEBS

2010-04-18T17:17:00.004+02:00

FRIKISPORTS:
Gustáronme varias cousas desta web: a pantalla de benvida que aparece mentres cargan os contidos, os top 10, o test... O fondo con tons marróns persoalmente é do meu agrado, pero non sei se será o máis adecuado para este tipo de páxina. Ademais, aínda que os contidos son enxeñosos e orixinais, penso que son un pouco inconexos e que, algúns deles, tal como están plantexados, teñen pouco que ver cos deportes. Os menús son moi funcionais, aínda que creo que o enlace ao foro debería estar máis á vista (por certo, moi boa idea crear un foro). Un 7'5.

BANG:
A estética desta web paréceme moi acertada, especialmente a tipografía. É fácil navegar por ela. Bonito detalle o das pistolas para acceder á foto anterior ou seguinte. Os contidos están moi ben, son moi realistas, a pesar de ser creados para a ocasión. O que si, quizais estaría ben que afondásedes un pouco máis na descrición dos personaxes, e que as fotos pasasen máis amodo. O mellor de todo, claramente, é o tráiler: espeluznante, e seguramente daría pé á realización dunha gran película. Un 9.

REVOLUCINE:
A introdución co nome da web é un detalle a ter en conta; non obstante, tal como está plantexado, está un pouco de máis. Na miña opinión, sería totalmente útil se tivese algo de movemento e un botón no que facer click para entrar na páxina. A banda verde do Index paréceme acertada, xa que dá un pouco de "vidilla". Os menús, en xeral, están ben. Os contidos, obviamente, están moi relacionados co cine; aínda así, son algo inconexos. Creo que se deberían centrar nun aspecto máis concreto do cine. Ademais, penso que deberían coidar máis o tipo de letra (utilizar o mesmo en todas as seccións). E como aspecto positivo, salientar os tests, moi "currados", e máis o apartado "Redes", que non ten que ver estritamente co cine, pero que lle dá un toque orixinal á páxina. Un 8.

MALDIA:
É unha web que cumpre perfectamente co seu cometido. Teñen o mesmo "problema" ca os de Revolucine no tema da introdución para acceder á páxina. A estética é moi sinxela, sobria, pero totalmente acorde co estilo do grupo. Poucas cousas negativas podo dicir, a verdade. Quizais algún apartado quedou sinxelo de máis (concretamente, o de "Enlaces") e ó mellor o tipo de letra tampouco é o máis adecuado. Tamén boto en falta un foro (aínda que o tema da interacción entre o grupo e os seus seguidores queda suplida cos enlaces a redes sociais). É moi fácil navegar pola páxina, e os contidos están ben organizados e son os xustos, nin máis nin menos. Moi ben. Un 9.

AS TRES EN PUNTO:
Un dos puntos fortes desta web é a organización dos contidos. Está perfectamente delimitado onde empeza e onde acaba a obra de cada unha destas artistas; polo tanto, é unha web totalmente funcional. Ademais, a estética paréceme moi boa para este tipo de páxina, e dálle unha certa personalidade ás artistas. Os menús están perfectos. Porén, dous aspectos negativos: un, non se ven algúns contidos; dous, boto en falta un elemento máis claro que poña en común estas tres traxectorias artísticas, aparentemente independentes (pode que esa función a cumpra o vídeo, pero é que tampouco se ve, unha pena). Aínda así, moi ben. Un 9.

NEOTERISTAD:
Penso que o botón para acceder á páxina debería ser máis grande, ou, polo menos, ter algunha indicación máis clara de que ese é o botón no que hai que premer para entrar. A web, no seu conxunto, ten un aire moi profesional, que é do que se trata (neste sentido, destacaría o tipo de letra escollido). Os contidos están ben organizados, aínda que si que boto en falta algún contido feito en realidade por vós mesmos, e quizais tamén unha descrición máis ampla dos membros desta empresa de publicidade. O mellor de todo paréceme o apartado "Campañas", cos vídeos na parte inferior da pantalla. Moi ben. Un 8'5.

AS DE CORAZÓNS:
A estética é bastante axeitada para esta web. O que si, a letra Times New Roman dos textos non me acaba de convencer. Os contidos están ben estruturados; son enxeñosos; non predomina o contido escrito, senón que hai bastante alternancia con contido multimedia; pero boto en falta quizais algunha entrevista máis, simplemente por encher un pouco o menú que aparece no apartado "Entrevistas". Os vídeos e as fotos "marca da casa" son un puntazo. Paréceme orixinal o xogo dos rompecorazóns, que nun principio non se esperaría deste tipo de páxina. O peor de todo, sen dúbida: algunha imaxe non se ve e algúns enlaces non funcionan (unha verdadeira pena!). A pesar disto, bastante ben. Un 8.

MADRESELVA:
Esta páxina ten moi poucos apartados no menú, pero é que realmente esta web non pide máis. A estética é totalmente acorde co tema, a navegabilidade non pode ser máis doada (bo detalle o do menú na parte superior e duplicado á esquerda), os contidos son os xustos (non sobra nin falta), o blog é curioso... Moi graciosa a mariquita. Detrás desta simpleza agóchase unha web sinxelamente perfecta. Noraboa, Isaac! Un 10.

CHITA FAN CLUB:
Desta web destacaría o logo e o emprego das cores. Polo tanto, moi ben en canto á estética. Non obstante, o tipo de letra paréceme clásico de máis para esta temática, e hai, dende o meu punto de vista, demasiado espazo baleiro. Os contidos multimedia (fotos e vídeos) quizais deberían ir estruturados doutro xeito precisamente para cubrir ese espazo. Detalle a ter en conta o marco amarelo das fotos e a cara de Chita en lugar das frechas. Os contidos son orixinais e divertidos e a navegabilidade é fácil. Un 8.

M.GESTEIRA:
A estética é acorde co tema tratado. Ten un estilo moi clásico, que nos remite ao carácter familiar da empresa. É doado navegar pola web. Como aspectos negativos: talvez está un pouquiño escasa de contido, o logo non me parece o máis axeitado e o mapa de "Rutas" tampouco me parece o mellor, xa que a actividade se reduce á provincia de Pontevedra. Aínda así, ten mérito facer toda a páxina en Flash. Moi ben. Un 8'5.

MEQUETREFES:
A introdución é demasiado simple para o meu gusto. De todos modos, o logo paréceme moi acertado, xa que lle dá moita identidade á web e á Asociación Mequetrefes. Persoalmente, non me acaba de convencer o emprego de distinta tipografía, aínda que hai que recoñecer que é moi orixinal e que contribúe a crear esa identidade. O emprego das cores paréceme bo, moi acorde co estilo que lle queredes dar ao grupo de teatro. Os contidos son idóneos, están ben organizados, aínda que o apartado "Novas" me resulta un pouco caótico (pero supoño que terá que ver co tema da identidade). A navegabilidade é doada e a web resulta moi funcional. A destacar tamén o detalle dos sinónimos da palabra "mequetrefe" para falar dos compoñentes do grupo. O que si, boto en falta algunha cousa máis, por exemplo, un anaco dalgunha representación que xa fixérades. Pero moi ben. Un 8'5.

SE TE VA LA OLLA:
Persoalmente, non me gusta este tipo de páxina. Pero hai que recoñecer que ten os contidos adecuados: horóscopo, tests de amor, historias anónimas... Polo tanto, ten un público moi concreto, o cal é importante. A estética quizais sexa demasiado simple, aínda que si que é certo que o rosa é unha cor moi identificativa deste tipo de páxinas. As imaxes para acceder aos distintos menús son boas. A tipografía dos textos (non a dos menús) paréceme clásica e, polo tanto, nada adecuada para unha web destas características. Fáltalle un pouco de "vidilla" a esta web, resulta pouco atractiva incluso para o público para a que vai dirixida. A navegabilidade, mirando para o menú, parece doada, pero iso... mirando para o menú, porque tedes un problemón cos enlaces... Voume abster de puntuar esta páxina ata que non se solucionen estes problemas (sería inxusto pola miña parte dar unha puntuación).

MASTERCAV'S:
A páxina ten unha estética que talvez non a faga a páxina máis atractiva do mundo, pero é interesante o xogo que facedes cos tons verdes. Tamén é orixinal o uso que facedes da baralla para designar os distintos menús; non obstante, boto en falta unha aclaración de qué vai cada apartado. Sen dúbida, hai que destacar a gran labor de recollida de información que realizastes. Penso que esa é a vosa mellor "baza" (falando en termos de naipes). Xa por non falar da campaña de promoción gratuíta que nos facedes a todos/as os/as CAV's, o cal é de agradecer. Polo tanto, os contidos, moitos e ben organizados. A navegabilidade é bastante doada, pero sería mellor que non se abrise unha nova ventá independente da do índice. Destacar tamén o carácter multimedia da páxina (mirastes ata debaixo das pedras para atopar vídeos). E xa por último, unha pequena pega: sería máis cómodo que non houbese scroll na parte inferior da pantalla. Pero moi ben. Un 8'5.

SMDb:
Sen dúbida, esta é a páxina coa estética máis orixinal. É un puntazo. E os contidos tampouco quedan atrás. Están perfectamente organizados e son froito dun importante labor de documentación. Non obstante, ten algo malo: en resolucións superiores a 1024, os textos e os vídeos vense nun tamaño demasiado pequeno, polo que sería mellor perder un pouco da orixinalidade propia de que se abra todo na mesma ventá, en favor de que se poida ler a información. Pero vamos, moi ben. Un 9.

---

DEPORTE NO ES SOLO FÚTBOL:
Uf... Que podo dicir sobre a miña web? A verdade é que ten uns cantos fallos, empezando polo deseño, que é pouco apropiado. Tamén podería falar dos menús, que deberían aparecer en todos os apartados (tanto o menú superior coma o inferior). Despois tamén tivemos fallos coa resolución, xa que traballamos para 1024 píxeles e descoidamos a estética para resolucións superiores. E máis cousas que mellor gardo para min porque, se non, non acabo.

Non obstante, creo que a nosa web ten varios puntos positivos que hai que ter en conta tamén:

1.- En primeiro lugar, o título da web e máis o tema, moi orixinal e pouco explotado. Ante todo, os integrantes do "Recuncho dos Lacazáns" buscamos un tema con esas características, e penso que acertamos. Ademais, polo que puiden comprobar, existen moi poucas webs coma a nosa, na que se recopilen datos sobre moitos deportes "raros" (mellor deixémolo en menos coñecidos). Polo tanto, a nosa páxina cubriría un nicho de mercado con pouca competencia se o comparamos con outros.

2.- En segundo lugar, debo falar do foro. A idea de crear un foro estivo na nosa cabeza dende o principio. Considerabamos fundamental a participación dos visitantes á nosa web. Dalgún xeito, a nosa intención sería crear unha pequena "familia", onde os amantes destes deportes se sentisen a gusto e compartisen os seus intereses con outras persoas. Tamén destacaría o feito de que non é necesario rexistrarse no foro para participar nel.

3.- Hai que ter en conta tamén a labor de documentación á que nos sometimos. Non puidemos falar de bastantes deportes que quedaron no tinteiro; non obstante, penso que finalmente recopilamos unha cantidade moi considerable de información.

4.- Ademais, fixemos unha serie de pasatempos, que penso que quedaron bastante ben, e cos que lle quixemos dar á páxina un grao de dinamismo, máis que nada para non centrarnos só na recopilación de datos.

5.- Coidamos moito o tema dos enlaces. Non queriamos que houbese erros nese aspecto. Así mesmo, intentamos que o menú facilitase a navegabilidade.

O caso é que creamos unha páxina web coas súas virtudes e tamén cos seus defectos. En todo caso, non me gustaría rematar sen facer referencia á actitude do grupo, cun afán constante por subsanar os erros na medida do posible e dentro das nosas capacidades e dos nosos coñecementos.

É imposible ser obxectivo ao 100% co traballo de un mesmo. Pero bueno, se hai que poñer nota... pois un 7.

BORJA NEIRA

ENDEREZOS DOUTROS BLOGS

2010-02-26T20:00:00.000+01:00

A petición de Marita, engadimos os enderezos dos blogs dos outros grupos (na parte esquerda da pantalla).

Saúdos

dereito e propiedade intelectual

2010-01-24T23:07:00.003+01:00

O tema que escolleron os nosos compañeiros de Cabalo Feliz era un tanto complicado e dificil de tratar, dado que os temas xudiciais conlevan grande complexidade.
Pero os nosos compañeiros non teñen medo a nada e atrevéronse con isto.

A súa explicación versa sobre a a propiedade intelectual e o dereito de uso de arquivos e ou contidos doutras plataformas, e sobre se este aspecto conleva á ilegalidade ou se polo contrario, estamos diante de temas legais.
A exposición xira en torno ao tema da piratería e a apropiación de material axeno, como pode ser a música descargada do Internet. Pero a lexislación regula estos aspectos en forma de leis ou de cánones.

O grupo apoiase en numerosos exemplos para explicar o tema, xa que se se centrasen só en citar a lexislación sería moi fatigoso. Por iso, amósannos varios vídeos acerca de avogados que dan a súa versión sobre a legalidade e a propiedade intelectual.
Outro aspecto a tratar é o tema da SGAE. Este grupúsculo que defende a propiedade intelectual de algúns, impoñendom o seu cánon dixital.

Os nosos compañeiros aportan exemplos acontecidos en relación a este tema, véxanse os casos de Ivan Ferreiro o caso de Los Planet, en consonancia co dereito e a reclamación da propiedade intelectual.

Persoalmente, e como xa comentei nalgún blog, quero citar o coñecido caso de Telecinco e LaSexta polo polémico uso de imaxes. Creo que Telecinco pasouse un pouco no tema, xa que, na miña opinión, La Sexta respetou a propiedade intelectual, posto que en ningún caso, ofreceu as imaxes como súas.

video na web

2010-01-24T22:56:00.003+01:00

A exposición estivo marcada pola falta de tempo, o que non lles permitiu un maior desenvolvemento da súa teoría.
Aínda así, puideron explicar importantes aspectos, como os tipos de resolucións necesarias para subir vídeos ou varios exemplos de páxina web que se adican a almacenalos, tipo Youtube ou Metacafe.

Por outro lado, explicaron moi ben o tema de páxinas que permiten a visualización de contidos televisivos, mesmo en directo, com Telecinco ou LaSexta, ou outros que nos permiten a visualización de series ou programas (unha das mais coñecidas é Series Yonkis)

A falta de tempo da exposición suplírona con exito debido á unha actualización na súa bitácora (Buacando a Wally), onde entre outras cousas, explican como se sube un vídeo a unha páxina web.

O recuncho dos lacazans opina que foi unha boa explicación malia os problemas anteriormente citados

deseño para o usuario

2010-01-24T18:24:00.002+01:00

A exposición amósanos que o obxectivo dunha páxina web é a facilidade de uso para o visitante. Para isto, ofrécennos varias pautas para a realización de webs orientadas a axuda para o usuario da mesma.

A portada debe anunciar e comunicar de xeito inmediato; o propósito da web debe ser claro e explícito. O deseño debe afrontarse dun modo consistente, cun estilo uniforme e unha identidade estilística en toda a estrutura da mesma (o usuario debe de familiarizarse de forma intuitiva coa páxina)
É importante atopar follas de ruta e menús de navegación, ou evitar a excesiva implantación de información, que debe estar estructurada.

A páxina debe adaptarse a condicións de credibilidade. A información ten que apreciarse cunha propia arquitectura, con xerarquización, unha boa presentación e interactividade. Para rematar, ofrécennos as condicións de bo deseño, onde destaca, a innovación pu a durabilidade.

Queremos resaltar finalmente que a exposición foi un tanto teórica, botando en falta algún exemplo mais

Animación

2010-01-24T18:00:00.003+01:00

As nosas queridísimas compañeiras optaron por realizar unha exposición de carácter audiovisual, en lugar da típica explicación oral.
Coa proxección dun vídeo, trataron de explicar con calidade a historia da animación, desde o primeiro debuxo animado (Mickey Mouse) ata a introdución do cinema en 3D, substituíndo ao debuxo tradicional.

Todo comeza coa aparición da imaxe cinematográfica, a comezos do século XX. O ratón Mickey foi unha das primeiras imaxes animadas, e por ende, a de maior importancia. Pouco a pouco, foronse creando importantes industrias de cine animado, que accederon á creación de novos debuxos e a narración de historias, véxase o pato Lucas ou o pato Donald. Co paso do tempo, os debuxos animados foron evolucionando, pasando de seren un simple debuxo con movemento a aparecer debuxos con grande importancia virtual e complexidade técnica.

Os úlitmos tempos, a animación colleu maior importancia das novas tecnoloxías, e comezaron a xurdir novas propostas, denominadas 3D. O ordenador adquire unha relevancia fundamental na configuración destas propostas actuais, e destacando na producción de novos proxectos.

Para rematar esta crónica, resaltar o bo facer das nosas compañeiras Raquel, Elena e Alvera. Tratan de contarnos unha historia para introducirnos o vídeo explicatorio, e fano dun xeito moi animado, malia a redundancia.

Desde aqui, os lacazans queremos resaltar o fin do vídeo, que non poidemos ver en clase. É un vídeo un pouco extraño pero moi ameno.

~~~ WE LIKE TO MOVE IT WITH AsDeKopas ~~~

Grafismo en televisión

2010-01-24T17:40:00.002+01:00

O grafismo está presente en todos os aspectos e programas audiovisuais, pero sobre todo na televisión. Así podemos atopar numerosos exemplos que nos amosan a importancia deste á hora de realizar e producir productos multimedia.

Os nosos compañeiros, cunha exposición áxil e interactiva, tratan de levarnos ata o mundillo dos deseñadores gráficos televisivos.
Habitualmente, este aspecto pode relacionarse co deseño de canles (logos e animacións) ou nas cabeceiras de programas. Pero o grafismo vai mais alá de todo isto, apoiándose na propia realización dos programas. Isto é doado de atopar en temas como por exemplo nos telediarios (uso de marcos ou "moscas", que serven de identificación)
A importancia do grafismo na televisión destaca sobre todo nas retransmisións deportivas. Neste caso, ao espectador interésalle coñecer detalles de forma moi gráfica, e os realizadores axúdanse de animacións e uso de gráficos.
A realidade virtual tamén é unha expresión de grafismo. Os programas utilizan animacións virtuais para poder esclarecer e explicar feitos.

Como explicamos antes, os deseñadores gráficos esméranse en realizacións gráficas que sexan capaces de atraer ao espectador. Por iso, as cabeceiras de cadeas televisivas e as moscas de identificación, son moi apreciadas pola audiencia e serven para identificar as cadeas.

Por último, resaltar a calidade da exposición e do vídeo inicial, xa subido a internet. A exposición foi amena e por momentos graciosa, incluso mellor que a nosa, que xa é dicir

Exposición sobre o retoque fotográfico

2010-01-22T13:27:00.003+01:00

Os nosos compañeiros de Pataca Minuta expuxeron o pasado 20 de xaneiro o seu traballo sobre a ética e o retoque fotográfico.

Desde o punto de vista teórico, a información proporcionada foi a xusta, sen pasarse e sen quedarse curtos (a imprescindible para entender o traballo e a xusta para non perderse). Os exemplos que nos proporcionaron foron do noso agrado todos eles. Pareceunos un detallazo o talante democrático amosado polos poñentes á hora de preguntarlle ao público en qué orde desexariamos ver eses exemplos.

Poderíamos poñerlle unha pega ao traballo: os casos mostrados eran todos un pouco "extremistas"; é dicir, eran máis ben mostras de cánto poden cambiar as persoas fotografiadas despois de pasar polo Photoshop. Botamos en falta, xa que logo, exemplos máis realistas, menos esaxerados. Aínda así, moi ben.

Foi un punto a favor dos nosos compañeiros o feito de que recorresen ao noso profesor de Fotografía, Vítor Vaqueiro, para que expresase o seu punto de vista sobre as cuestións que os membros de Pataca Minuta tiñan pensado abordar na exposición.

Eu persoalmente (Borja) non estou moi a favor do uso do Photoshop nas fotografías, especialmente nas que van ser publicadas en revistas e xornais. Penso que o Photoshop se debería utilizar como unha especie de "maquillaxe virtual", de xeito que as persoas fotografadas aparecesen levemente melloradas, pero sen que se note demasiado, o xusto. A min faime dano na vista ver algunha fotografía tan sumamente retocada que se nota de lonxe que está modificada, como estas dúas:

http://www.formulatv.com/visor.php?type=4&num=9073&pers=685 ou esta
http://www.formulatv.com/visor.php?type=4&num=10783&pers=236

Pero bueno... Esta é a miña opinión, tan respectable coma o de calquera outra persoa.

Exposición sobre os títulos de crédito

2010-01-22T12:59:00.002+01:00

A continuación imos comentar a exposición sobre os títulos de crédito, realizada polos nosos compañeiros de Salpicón de Marisco.

Pareceunos unha exposición bastante amena e á vez con moita información útil. Estes aspectos víronse moi reforzados polos exemplos que nos ofreceron, os cales nos pareceron moi ilustrativos e nos gustaron moito. Se tivésemos que poñerlle unha pega á esta poñencia sería a súa duración: quizais foi un pouco longa, non para os ouvintes (ou sexa, o resto da clase), senón para o grupo que tiña que expoñer despois. Non obstante, entendemos que é moi difícil controlar os tempos e que non o fixestes con mala intención.

Resúltanos moi curioso o xogo que poden chegar a dar os títulos de crédito. Eles incluso lle dan certa personalidade e entidade ao programa, á película ou á serie á que pertencen, ou axudan a reforzala. Poden ser como unha seña de identidade. Cando vemos esa película ou esa serie, sabemos que eses títulos de crédito existen, ou que algúns son máis orixinais ca outros, pero case nunca lles prestamos a atención debida. Incluso os botamos en falta se non aparecen. En realidade, non ollar eses títulos de crédito é como ver esa película ou ese programa a medias. Esta exposición fíxonos reflexionar sobre estas cuestións e, grazas a ela, aprendimos a valorar a importancia deste feito.

Prometemos que, a partir de agora, nos fixaremos sempre nos títulos de crédito. PALABRA DE LACAZÁNS

TRABALLO SOBRE A CALIDADE DOS CONTIDOS WEB

2009-12-20T19:42:00.003+01:00

Xa está á disposición de todo o mundo o noso traballo sobre a calidade dos contidos das páxinas web, exposto na clase de Deseño Gráfico do mércores 2 de decembro de 2009. Para velo, premede no seguinte enlace:

http://www.slideshare.net/LacazansCAV/calidade-dos-contidos-web

Grazas e bo Nadal!

Exposición sobre as redes sociais

2009-12-14T13:01:00.002+01:00

A exposición realizada por Diego, Boris e Caterina pareceunos moi amena e bastante lixeira en canto a contidos. Destacamos o seguinte:

1. Hai un amplísimo abanico de redes sociais (moitas máis das que nos imaxinamos). O mundo das redes sociais non se reduce a Tuenti e Facebook.

2. Estas redes sociais pódense clasificar en función de determinados parámetros ou temas. Así, algunhas redes son máis acordes para a música (exemplo: Myspace), outros para a comunicación entre os membros dunha mesma empresa, outras para universitarios (Tuenti ou Facebook)...

3. Hai que ter en conta as tres C: Coñecementos, Comunidade e Cooperación.

A introdución de vídeos aclaratorios e dunha análise práctica das redes sociais máis estendidas pareceunos moi ilustrativo.

E agora non vou falar como parte do grupo "O Recuncho dos Lacazáns", senón como Borja. Os compañeiros que realizaron esta exposición plantexaron un debate ó remate do mesmo no que nos invitaron a comentar qué redes usamos máis. Eu, persoalmente, son usuario habitual de Tuenti e Facebook, e habitualmente vexo vídeos en Youtube (aínda que non teño conta). Actualmente, tamén teño unha conta en Sonico, pero nunca a uso. Fai algún tempo tamén fun usuario de Hi5 (creo que se escribe así) e creo que dalgunha máis que xa non me acordo do nome. En realidade, estas contas abrinas todas na mesma época por probar a ver de qué iban. Pero un tempo despois, fun deixando de usalas case todas. Acórdome especialmente do caso de Hi5, porque me costou moitísimo cerrar a conta (a día de hoxe non estou seguro de que estea definitivamente clausurada). E, en parte a raíz deste traballo das redes sociais, probei a cerrar unha das dúas contas que teño en Tuenti e que, ata o de agora, tiven inutilizada. De momento non estou atopando especiais dificultades, pero con estas cousas xa se sabe: é moi fácil entrar, pero dificilísimo saír.

Na miña opinión, as redes sociais son produto da gran cantidade de cousas que nos permite facer Internet. Poden ser útiles para manter contacto cos teus amigos e coñecidos (ou incluso coa familia), aínda que eu cada vez me sinto máis saturado entre tantas formas de comunicación (Tuenti, Facebook, e-mail, Messenger).

A todo isto (e xa acabo), hai que sumarlle que nas redes sociais pos a disposición de todo o mundo información privada sobre ti, e as leis sobre estas cuestións están moi pouco desenvolvidas. Por iso, o correo electrónico e o Messenger me parecen formas máis seguras de comunicación multimedia. Aínda que isto tamén se pode paliar se na túa conta de Tuenti ou de Facebook agregas só a xente da túa confianza e se activas os filtros que ofrece a rede social. E tamén está o recurso de non introducir o teu nome real na túa conta.

En definitiva, penso que as redes sociais están ben como alternativa ó correo electrónico ou ó Messenger, sempre e cando sexan usadas con cordura e moderación.

Exposición: A Comunicación Visual

2009-12-09T18:32:00.004+01:00

Logo de observar a exposición que versaba sobre a Comunicación Visual, quedáronnos claros varios aspectos de importancia que nos poden servir á hora de comezar a realización das nosas páxinas web

1. É preciso contar cunha boa estratexia de comunicación visual. Para comunicar, é aconsellable a utilización de fotografías ou vídeos, que faciliten a atención do usuario

2. Grande importancia na elección das cores. Unha boa escolla pode influenciar de cara aos posibles visitantes. Dependendo do que queiramos transmitir elixiremos entre unhas ou outras dentro da gama de cores

3. Boa estruturación dos contidos. A estruturación destes debe servir para que o usuario non se perda. Na comunicación visual, é un dos aspectos máis importantes xa que serve de axuda ao visitante

4. Unitaria. Os elementos dunha páxina web non deben ir por libre senón que teñen que formar un conxunto en si mesmo. É importante non atopar disparidade de elementos dentro dunha mesma web

5. Comunicación. Debemos escoller ben a forma de comunicar o que queremos contar. Para iso, precisamos unha linguaxe accesible ao usuario. Aconsellánnos na exposición que utilicemos unha tipografía adecuada e unha linguaxe clara, sinxela e facilmente entendible

Consideramos que se tratou dunha boa exposición. Ademais de ofrecernos información de moita utilidade para o deseño gráfico e a animación nun contorno audiovisual e multimedia (internet), destacaron os exemplos que aportaron e o dinamismo que nos ofreceron os nosos compañeiros.

Exposición sobre os logotipos

2009-12-09T12:40:00.006+01:00

A exposición sobre os logotipos realizada por Zaida, Lucía e Patricia foi moi correcta e foron capaces de captar a atención dos alí presentes. Resaltaríamos varias cuestións deste traballo:

1. Non todo o que chamamos logotipo é un logotipo propiamente dito, senón que existen diferentes conceptos para referirse a realidades parecidas pero distintas.

2. O logotipo é un elemento clave que hai que ter en conta á hora de publicitarse; e, na súa creación, cómpre analizar o tipo de público ao que nos diriximos, a imaxe que queremos transmitirlle ao público e aos nosos competidores.

3. Deste xeito, o logotipo debe ser un elemento identificativo e diferenciador, de forma que hai que analizar con detalle o debuxo, as cores, o tipo e o tamaño da letra...

A entrevista-conversa coas “Maruxas Creativas” é un punto a favor para as nosas compañeiras. Non obstante, quizais poderían sacarlle máis proveito, en vez de centrarse tanto en cuestións teóricas. Sería moi interesante poñerlles cara e voz a esas “Maruxas” (unha pena que non quixesen ser gravadas). Realmente, quedamos sen saber quen son.

Por último, o remate da exposición co xogo foi un acerto. O malo é o pouco tempo do que dispuxeron para desenvolvelo.

Exposición de tipografía

2009-12-07T11:55:00.002+01:00

Con respecto ao traballo que realizaron as nosas compañeiras acerca da tipografía podemos dicir:

1- A tipografía é unha cuestión fundamental á hora de deseñar unha web ou presentar un traballo.

2- Os distintos factores que se poden modificar á hora de escribir (tipo de letra, tamaño, interlineado) son fundamentais e varían o resultado final do texto.

3- É aconsellable utilizar fondos claros e letras de cores máis escuras para facilitar a lectura ao usuario.

4- Podemos dicir que a exposición se fixo amena grazas aos exemplos expostos e á boa ilustración.

5- Se hai que poñer un "pero" este ven marcado pola extensión do traballo. Quizais fose demasiado longo pero na nosa opinión todo o que se dixo resulta moi útil.

Debate Wikipedia

2009-12-05T15:20:00.001+01:00

A Wikipedia é unha ferramenta poderosa cunha comunidade global de máis de 150.000 voluntarios, máis de 20 empregados permanentes, que teñen escrito 11 millóns de artigos en 265 linguas (482.000 deles en español, a unha velocidade de 400 novos por día). Foi fundada co obxectivo de "distribuír gratuíta a totalidade do saber mundial a todas as persoas do planeta, na lingua que este elixa, baixo unha licenza libre que permite modificar, adaptar, reutilizar e redistribuír libremente”. Ademais é gratis, rápida, pódese correxir no acto, ten capacidade infinita e é unha útil ferramenta educativa.

Non obstante, a Wikipedia tamén ten unha serie de inconvintes que fan que exista certo debate arredor dela. Os fallos máis notables desta serían entre outros, o anonimato dos autores dos artigos ou que sexa considerada unha enciclopedia (cousa que non é concretamente). Ademais, é unha fonte de difamación e violación do copyright.

En España, máis de seis millóns de persoas len a Wikipedia todos os meses. Esta aventaxa considerablemente as versións en liña das enciclopedias tradicionais. Pero que podemos dicir sobre a súa fiabilidade? É correcto elevala á categoría de enciclopedia?

O debate queda aberto. Expresade as vosas opinións e non me sexades lacazáns.

AS NOSAS DÚBIDAS

2009-11-20T15:22:00.001+01:00

Estas son as dúbidas sobre o temario que nos xurdiron:

1. Cales son as diferenzas entre os distintos formatos de imaxe GIF, JPEG/JPG e PNG, SVG?

2. Nunha páxina web, onde se pode comprobar o tipo de resolución que utiliza?

3. Que son as wikis? Teñen algo que ver con “wikipedia”?

4. Cal é a diferenza visual entre os distintos tipos de dar estilo a un documento (utilizando unha folla externa, utilizando o elemento "style" e utilizando estilos directamente)?

5. Despois de ler o documento "manual_estilo_informe09", etendemos que o apartado “informe” inclúe aqueles aspectos relacionados coa idea inicial do proxecto (definición, obxectivos, público obxectivo…) e “manual de estilo”, aqueles aspectos que atinxen directamente á posta en marcha do proxecto, aos aspectos máis perceptivos (imaxes, son, iconos, pantalla, tipografía…). Entón, os bocetos e a actualización de contidos non deberían incluírse en “manual de estilo”?

6. En que se diferencian os logs dos tags?

7. Que é un sistema on line e un sistema off line?

Análise do deseño e do contido de diversas páxinas web

2009-11-20T11:03:00.003+01:00

A continuación, imos analizar brevemente algunhas páxinas web que non destacan por ser moi boas nin moi malas:

1. www.elcorreogallego.es
• Deseño: Predominio dos azuis. Clásico. Moitas fotos.
• Contidos: Ás veces tenden cara ao localismo (Santiago) no tratamento de informacións espiñosas, como as infraestruturas.

2. www.lavozdegalicia.es
• Deseño: Titulares cun tipo de letra maior. Máis noticias na portada. Fotos.
• Contidos: Destaca a participación interactiva (a través de enquisas) e os suplementos. Máis subseccións (La Voz de A Coruña, Santiago, Ourense…). Destacan o transcurso dos partidos na parte superior. Ás veces tenden cara ao localismo (Coruña).

3. www.meteogalicia.es
• Deseño: Bastante sinxelo, sen grandes florituras. Abundancia de verdes e marróns. Destacar que é mellor este deseño ca o que tiña a anterior páxina (www.meteogalicia.com)
• Contidos: A información que precisa, nin máis nin menos. Mapas facilmente comprensibles.

4. www.youtube.com
• Deseño: Simple (sobre todo tendo en conta as múltiples posibilidades que ofrece). Predomina o branco. Quizais estaría ben cun chisco máis de cor. Falta de orixinalidade.
• Contidos: Gran cantidade de vídeos, aínda que non todos eles teñen a calidade desexada. En portada, aparece o máis destacado por temas ou seccións e os vídeos que máis lle poden interesar ao usuario (en función dos vídeos vistos en sesións anteriores).

5. www.google.es
• Deseño: Portada sinxela, na tónica da de Youtube. Predomina o branco. Cada letra do logotipo é dunha cor. É como se lle faltase algo. Falta de orixinalidade.
• Contidos: O que lle falta na imaxe de portada compénsao cos contidos. Demasiada publicidade. Ofrece grandes posibilidades de atopar o que precisas.

6. www.crtvg.es
• Deseño: Sinxelo, incluso de máis. Agradeceríase máis orixinalidade e máis dinamismo.
• Contidos: Bastante información sobre a programación, pero para esa información ábrese outra ventá ( certa incomodidade). Contidos á carta (de agradecer), pero outras opcións (ex: foros) totalmente desaproveitadas e que poderían dar moito máis de si. Ausencia de enquisas. En definitiva, interacción case nula.

7. www.vertele.com
• Deseño: Máis serio ca o anterior (quizais polo predominio de cores verdosas)  Menos atractiva para o internauta. Fotos e vídeos.
• Contidos: Moita información sobre TV, con maior rigor xornalístico ca a anterior. Destacar a gran cantidade de links (vínculos) con outras webs de contidos complementarios (do sector dos mass media).

8. www.formulatv.com
• Deseño: colorido, fresco, dinámico, atractivo á vista. Bastante bo. Fotos e vídeos.
• Contidos: Moita información sobre TV, aínda que un pouco “tomatera” por momentos e cun punto de vista subxectivo no tratamento das noticias. Destacar a gran cantidade de seguidores e foreiros coa que conta.

Deixamos o seguinte enlace dunha noticia de www.formulatv.com na que se ve con bastante claridade o tratamento das informacións: http://www.formulatv.com/1,20091118,13356,1.html. Nesta noticia, especialmente no primeiro parágrafo (onde di "Los alumnos del Zurbarán podrían quedarse sin una profesora con la que enrollarse"), o redactor amosa unha opinión demasiado subxectiva sobre a serie "Física o química" e consideramos que é unha falta de respecto. OLLO!!! QUE OS LACAZÁNS NON SOMOS SEGUIDORES DA SERIE, pero pensamos que debe primar a obxectividade e o bo trato a todos os programas sen facer distincións.

Os Lacazáns comezan a traballar.

Calidade dos contidos

2009-11-12T18:24:00.004+01:00

Tócanos facer un guión para debatir a calidade dos contidos das páxinas web que se poden atopar. Obviamente, non se trata de sinalar só se son boas ou malas: iso é moi fácil e non fai falta estudiar deseño gráfico para facelo.
Supoñemos que os guións tipo de cada grupo conterán a típica estructura de presentación, núcleo e conclusións. Pois non sería mala idea se fixesemos esa estrutura para o noso guión.

Presentación. Deberiamos expresar o que se vai a tratar na exposición e a forma de facelo. Sería unha especie de introducción ao tema

Núcleo. É a parte máis complexa da exposición. Precisamos explicar o que é un contido (non vos riades), as clases de contidos que existen na web e as características dun bo e dun mal deseño deses contidos. Utilizaremos varios exemplos para a explicación

Conclusións. É a nosa obriga facer unhas conclusións acerca da investigación analítica que facemos. Sinalar como deben ser os contidos dunha páxina web para que as webs desta clase sexan de sublime calidade (como vai ser a nosa)

Isto é un boceto do noso posible guión. Quédanlle retoques e xa estará listo para expoñer.

Comentade posibles ideas para o guión, por favor.

Fomos lacazáns, somos lacazáns e seremos lacazáns (aínda que publiquemos entradas)

Un saúdo

A nosa web: deportes raros que se practican no mundo

2009-11-11T20:44:00.003+01:00

Logo de debatir entre numerosas opcións para escoller o tema central da nosa páxina, decidímonos polo tema dos "Deportes pouco coñecidos". Cremos que é un aspecto pouco explotado no panorama web e que chegaría dun xeito notorio a un amplo público, desexoso de coñecer as curiosidades que se atopan polo mundo no ámbito do deporte.

Co tema xa escollido, debemos de comezar a elaborar a nosa páxina. Partindo dunha labor de análise e de investigación de outros lugares da Internet,`podemos deducir as características dunha boa páxina web; características que tentaremos aplicar ao noso deseño. Por outra banda, buscamos unha planificación gráfica que presente algo novo e diferente a todo o que se poida atopar ata o momento.

A nosa páxina web contería as seguintes características

-Por un lado, fariamos diferenciacións, tanto a nivel xeográfico como das características que definen a cada un deles

-Comparacións cos seus deportes base, aqueles dos que proceden ou dos que están adaptados

-Caracterización de cada un deles, por medio tanto de información sobre a súa historia e modo de practicalos, así como un video que reflexe o funcionamento de cada deporte

-Enlaces a outras páxinas que poidan servir de complementación á nosa

-Foro de debate, co obxectivo de que o usuario poida expresar as súas opinións acerca do tema tratado

A páxina web estaría formada por unha portada, acompañada por alguhna animación; o uso das cores tamén sería relevante.
De distinta forma, segundo o requira, aparición de enlaces dentro da propia páxina, aínda que dun xeito que usuario non debera de perderse. Desta forma, conseguimos non apegar toda a información e mantela organizada, favorecendo a atención dos visitantes da páxina.
Por suposto, mostrar elementos que requiran a atención do usuario e unha linguaxe que lle axude a entender a distribución da páxina.

Loxicamente, aínda que publicamos esta idea, seguimos dándolle voltas ao tema do deseño. Isto non quere dicir que sexa a nosa planificación definitiva, senón que serían as bases do noso traballo

Os lacazans xa se poñen a traballar. Pronto publicaremos outra entrada.

Un saúdo

OS 10 MANDAMENTOS DUN LACAZÁN

2009-10-25T13:37:00.000+01:00

Velaquí van os Dez Mandamentos que todo Lacazán debe aplicar (e pobre do que non cumpra algún deles!!!):

1. Nácese cansado e vívese para descansar.
2. Ama á túa cama como a ti mesmo.
3. Se ves descansar a alguén, axúdao.
4. Descansa de día para poderes durmir de noite.
5. O traballo é sagrado. Non o toques!!!!!!!!
6. Non fagas hoxe o que poidas facer mañá.
7. Traballa o menos que poidas. O que teñas que facer, que o faga outro.
8. Calma! Nunca ninguén morreu por descansar.
9. Cando sintas o desexo de traballar, senta e espera a que se che pase.
10. Se o traballo é saúde, que traballen os enfermos.

Así que... a lacazanear! Amén.

ZzzzZzzzZzzzzZzzzZzzzz.....

2009-10-09T12:25:00.000+02:00

Comentaremos traballos realizados o ano pasado nesta mesma asignatura.

Radiactivos é unha web que nos aporta bastante información sobre o mundo radiofónico. Deste modo, indícanos aspectos de grande utilidade como a programación de varias emisoras significativas deste país. Tamén podemos coñecer outros datos como as audiencias. En definitiva, faltalle un toque de pementa.

Quetequero é unha web cunha estructuración óptima que fomenta a interactividade cunha linguaxe accesible. Adopta un deseño con peculiaridades femininas, recordando a unha revista, e recorre ao comic para ilustrar a páxina. Parece un pouco erotico, á que só lle faltan un servizo de venda de perservativos.

Tutti frutti. Amósanos toda a paridade relacionada con esta formación musical. Botamos en falta a interacción cos membros a través de foro. Destaca sobre todo o colorido, aínda que opta por un deseño sinxelo. Ten mensaxes subliminais persuasivos

Ken & The Dolls. Web acerca dun grupo de música con este mesmo nome. Aporta moitos datos sobre a formación, desde o aspecto biográfico ata concertos e discografía. Maior seriedade no deseño, permitindo a escoita dos temas máis destacados deste grupo. Nótase que este grupo é mais falso que Milli Vanilli, aparte de que non venden un disco nin pagando eles

Zapa. Destaca a complexidade na animación dos seus contidos, aínda que un pouco lento ao comezo. Non obstante, abonda a información sobre Zapa. Aporta artigos de caracter crítico e permite escoitar cancións do artista. Un aspirante a Risto Mejide.

Artesala. O cinema é o grande protagonista do deseño gráfico, aínda que non faltan outros aspectos audiovisuais, como poden ser a fotografía, a música ou a literatura. Presentación elaborada aínda que non moi rápida. Usa o humor nos seus comentarios. A presencia de Outeiriño dalle un toque de seriedade e elegancia.

Minimalab. Elixen a arte como referente central do seu deseño gráfico. Semella unha publicación interactiva sobre decoración, se ben é certo que é un pouco escasa de contido.

Oitenteiros. Transpórtanos a ese mundo que nalgún momento da nosa vida quedará na nosa lembranza. Quen non se acorda do Xabarín (aquel porco bravo) e o típico bocadillo de Nocilla.
Podemos escoitar grandes éxitos musicais, cantados unha e outra vez, ou as míticas series de debuxos animados.

Aolímite. Páxina deseñada e dirixida aos intereses dos estudantes universitarios. Ademais serve como guía de moita utilidade, indicando lugares, receitas ou actividades. Suxire ideas para non ser "El último Superviviente, comendo bichos" . Dinamismo e recorre as figuras animadas.

Guioniza. Sinxelo e sobrio deseño pero abonda a información para vostedes, ¡Comunicadores Audiovisuais! Esta información semella extraída da páxina máis utilizada polos estudantes, El Rincón del Vago.

Wonderful5. A canción que soa é un pouco cansina, xa poderían cambiala. A información aportada é un tanto escasa. Parecen debuxos animados de carne e oso, recordando a Patrulla X; coma se fosen superheroes. Contido case nulo. Moitos ilustracións

Conclusión

Seguiremos informando, se a lacazanería o permite. UN SAÚDO, DE LACAZÁNS A LACAZÁNS

SOMOS LACAZÁNS, E LOGO!

2009-10-08T13:52:00.000+02:00

Que tal, amigos lacazáns? Estamos na Facultade de Ciencias da Comunicación de Santiago, lacazaneando na clase de Deseño Gráfico e Animación en Contornos Audiovisuais e Multimedia.

Creamos este blog para estender a pura raza lacazana polo mundo enteiro e formar un auténtico imperio co que construír unha nova sociedade asentada nos principios de lecer, vagancia e festa rachada.

Seguiremos informando! (se a lacazaneria nolo permite...)